Gurindam Pidato Ka Pulang

 N. GURINDAM-GURINDAM PIDATO PULANG

1. Sipangka :

Inggirih turun di Padang Langkok jo alat paparangan Sarato mandara alam Mukasuik nak parang di kualo Lalai saketek tak manjadi

Baru tadanga tuan datang Nan barek kami sangko ringan Disangko tuan ka bamalam Kironyo tuan batanggo pulang

Parmaklumkan juolah pintak kami. Kain hiju tapinyo ba jambue Batulih dengan banang ameh Tapinyo bapaluik suto biludu Pakaian anak rajo basa Kiriman puti dari udaro

Hari kalam bulan kok kabue Sio-sio kami malapeh Elok bamalam tuan dahulu Samantaro iyo lai takana

Kamudian tak tantu pabilonyo. Manga parupuek sutan panggang Parupuek ado dalam padi

Manga sutan bagalusuek pulang Duduek-duduek kito agak sabanta lai.

2.

Sialek : Si corong anak rang guguek Nak lalu ka batu balah

Duduek-duduek di toko cino

Jikok salorong satantang duduek Dipadokan sajo di nan alah

Kamudian kito ulang pulo. Si Lui si Pono Alam Barumah di Alahan Panjang

Kok disiko kami bamalam

Lapiek jo banta kok tak sadang Kapa balabueh di lautan Manuju pulau lawik lapeh Balabueh tantang pulau sabang Riak manyisie di lautan Kapulau sutan banu siam

Kalau baitu kato sutan Hari tarang bulan di ateh Jikok lai umue samo panjang Kok lai hayat dikanduang badan

Kamudian kami datang bamalam Kapeh panji di halaman rajo Ureknyo sampai ka lawuik lapeh Rantiangnyo sawuang manyulampai Rono batulih gambar bulan

Jan gamang tuan malapeh Janji arek bamoliekan Padan ba ukue balalui Janji bakarang batapati Anak jo bapak tak bacarai Lah ka sanang hati tuan.