manjapuik marapulai

 

H. MANJAPUIK MARAPULAI

Manjapuik marapulai dari rumah anak daro dianta ka rumah marapulai, mako pasambahan dari mamak anak daro, kapado marapulai: Bandaro Mudo (mamak anak daro) yang memulai pasambahan : Maa Rajo Malano (mamak marapulai) ? Pasambahan disampaikan kapado Rajo Malano!

Sampaikanlah Bandaro Mudo !

Salam takzim dari ambo nan terhadap kapado Rajo Malano, perhubungan silaturrahim, ambo iringi dengan sambah sujud ka wajah nan amat molie, pengulu yang amat basa, urang tuo nan gadang basa batuah, nan duduek dijanjang tanggo adat, kiramat sebab disifat sidik, tabalie jo amanah, bijaksano samparono paham. Biopari samparono hukum, nan mamacik hukum nan duo, hukum syarak syariat molie, nan turun daripado Allah, ditarimo daripado Nabi, wajib, sunat, halal dan haram, asah batal dengan mukarueh, lagi mambawo kaba suka, sarato mambari patunjuek.

Pihak kapado parsambahan indak kan diatok dibilang bana, hanyo jo sambah dimuliakan, kasudahan pasambahan ditibokan kapado Rajo Malano. Atolah pasambahan nan ka disampaikan kapado Rajo Malano lah tu kini nan manuruik adat, adat nan basandi syarak, syarak basandi Kitabullah. Waris nan daripado Nabi, pusako nan daripado mamak, nan turun sampai ka kito, iyolah adat nan sabatang, sarato syarak nan sabarih, jikoknyo adat handak dipakaikan juo, syaraklah dilazimkan juo.

Adapun pakarjaan nangko, dahulu bathin kamudian lahie, dilanjuiknyo alah barupo jo batampan, lah elok dikambang tangah medan, jikok diipandang lah baiek rupo, didanga lah elok bunyi, iyolah si "A" dan si “B”, alah salamat nikah kawin, kawin nan dengan

 

niniek mamak, ijab nan dari mutawali, izin nan dari anak daro, Kabul nan dari marapulai, dimuko saksi jo bayyinah, dalam sidang musajik, dalam syarak sudahlah sah, lah langkok jo rukun jo syaratnyo.

Baa to hanyo di nan kini, nyatonyo ba bateh tumbueh, nyato pusako ba enggeran, lah taniek didalam hati, lah jatueh kapado nazar, diparah santan dikuku, ditakiek darah di batu, lah nyamue diujuang rumpuik, hujan paneh bulieh balinduang, miskin kamano di andokkan, nan adat nak mamakaikan juo, syarak nak malazimkan juo. Apolah adat nan akan dipakaikan, iyolah sunat jamuan marapulai, bago iyo sajamba nasi, bago iyo sacangkie aie, walaupun indak sasadangnyo. Handak mambaco doa selamat, nak tapakai di nan asah, nak tamakan di nan halal, nak tasanda ka nan gadang, nak tagantuang ka nan tinggi, mulo di hari nan dahulu, janji alah dikarang, padan alah di ukue, janji dikarang batapati, padan di ukue balalui. Satantangan marapulai ka dipulangkan ka rumahnyo, mako mairiang sambah jo simpueh,

Karambie si ampang pulai Tumbuehnyo di kida rumah Satandan baru nan labek Satandan mangarang bungo Mayang lah jatueh silaronyo

Kami manjapuik marapulai Sarato niniek dengan mamak Sarato mande dengun bapak Sarato andan pasumandan Langkok jo bujang juaronyo Sarato inang pangasuehnyo Nak kawi adat kito pakai Nak sarumpun undang jo pusako

Cuma itulah nan ka ambo pasambahkan kapado Rajo Malano.

(Jawab Rajo Malano kapado Bandaro Mudo)

Maa Bandaro Mudo ?

 

Lah sampai di Bandaro Mudo ?

Sakiro-kiro baitu baru Rajo Malano.

Sungguehpun kapado Bandaro Mudo sorang nan ta imbau dalam syariat jo hakikat, walau di zahir dengan bathin, nan salarak sabondong tibo, nan satandiang sajamu minum, nan salanggam bandue ditangah, nan takapuang ditiang panjang, lalu ka tapi tiang suduik, lalu kasandi alue adat, lalu ka tiang parapatan, tinggi tabayang tampak jaueh, randah tarumbun tampak dakok, tahu dikilek dengan bayang, tahu di kieh kato abih, nan basilek di ujuang muluik, nan malangkah dipangka karih, nan ba andin diujuang padang.

Pihak kapado pasambahan, indak kan diatok dibilang bana, hanyo sambah dimuliakan, kasudahan pasambahan dikembalikan kapado Bandaro Mudo.

Kapado kito basamo !

Atolah nan manjadi buah pasambahan di Bandaro Mudo lah tu kini, iyolah adat basandi syarak, syarak basandi Kitabullah, waris nan daripado Nabi, pusako nan daripado mamak, nan turun sampai ka kito, iyolah adat nan sabatang sarato syarak nan sabarih, jikoknyo adat handak dipakaikan juo, syaraklah dilazimkan juo. Adapun pakarjaan nangko, dahulu bahtin kemudian lahie, dilayienyo alah barupo jo batampan, alah elok dikambang tangah medan, jikok dipandang alah baiek rupo, didanga alah elok bunyi, iyolah si "A" dan si “B” alah salamat nikah kawin, kawin nan dengan niniek mamak, ijab nan dari mutawali, izin nan dari anak daro, Kabul nan dari marapulai, dimuko saksi jo bayyinah, dalam sidang musajik, dalam syarak sudah lah sah, lah langkok jo rukun jo syaratnyo.

Baa to hanyo di nan kini, nyatonyo ba bateh tumbueh, nyato pusako ba enggeran, lah taniek di dalam hati, lah jatueh kapado nazar, diparah santan dikuku, ditakiek darah di batu, lah nyamue di ujuang rumpuik, hujan paneh bulieh balinduang, miskin kamano di

 

 

---

andokkan namun adat nak mamakaikan juo, syarak nak malazimkan

Juo.

Apolah adat nan akan dipakaikan, iyolah sunat jamuan marapulai. Bago iyo sajamba nasi, bago iyo sacangkie aie, walaupun indak sasadangnyo, handak mambaco doa selamat, nak tapakai di nan asah, nak tamakan di nan halal, nak tasanda ka nan gadang, nak tagantuang ka nan tinggi, mulo di hari nan dahulu, janji nan alah dikarang, padan nan alah diukue, janji dikarang batapati, padan baukue balalui.

Satantangan marapulai ka dipulangkan ka rumahnyo, mako mairiang sambah jo simpueh :

Karambie si ampang pulai Tumbuehnyo di kida rumah Satandan baru nan labek Satandan mangarang bungo Mayang lah jatueh silaronyo

Kami manjapuik marapulai Sarato niniek dengan mamak Sarato mande dengan bapak Sarato andan pasumandan Langkok jo bujang juaronyo Sarato inang pangasuennyo Nak kawi adat kito pakai

Nak sarumpun undang jo pusako Kan itu bana nan manjadi parsambahan Bandaro Mudo ? Sakiro-kiro baitu bana Rajo Malano!

Maa Bandaro Mudo !

Pihak parsambahan Bandaro Mudo nan katangah, itulah kato sabananyo, ibarat aie lah manampueh ka iliran, kato lah baranang ka pusako, lah dibukik angin basiru, lah di aje jalo bamain, bagaipun baitu sakali, mah dek karano kami lai pulo duduek sorang jo baduo,

 

sarato niniek dengan mamak, ambo paiyokan pulo agak sapatah kato, mananti Bandaro Mudo sakutiko.

Ka ambo nantinyo Rajo Malano !

Lalu Rajo Malano mampaiyokan jo biriannyo sarato mamintakkan izin kapado niniek dengan mamak, setelah dapat izin dari niniek dengan mamak. Itulah nan dinamokan "Urak Langkah".

Dengan persyaratan menghadapkan sebilah keris yang diletakkan diateh carano nan basungkuik, nan badulang badalamat.